اسلام آباد (این این آئی)نیب ترامیم کیخلاف کیس کا فیصلہ سپریم کورٹ میں چیلنج کردیا گیا،،ایڈووکیٹ فاروق ایچ نائیک نے عبدالجبار کیطرف سے نظر ثانی دائر کی ہے۔

درخواست میں موقف اختیار کیا گیا کہ سپریم کورٹ نے ہمیں سنے بغیر نیب ترامیم کیخلاف فیصلہ دیا، نیب ترامیم کے بعد احتساب عدالت نے اْن کے خلاف ریفرنس اینٹی کرپشن عدالت کو بھجوایا ، نیب ترامیم کیخلاف درخواست میں کسی بنیادی حقوق خلاف ورزی کی نشاندہی نہیں کی گئی۔نیب ترامیم کیخلاف درخواست آرٹیکل کے تقاضے پوری نہیں کرتی تھی۔ درخواست میں سپریم کورٹ نیب ترامیم کیخلاف پندرہ ستمبر کا فیصلہ کالعدم قرار دینے کی استدعا کی گئی ہے۔