اسلام آباد(این این آئی)پی ٹی آئی کے سابق رہنما صداقت عباسی نے تحریک انصاف اور سیاست چھوڑنے کا اعلان کرتے ہوئے کہا ہے کہ 9مئی کا واقعہ چیئرمین تحریک انصاف کی ذہن سازی کا نتیجہ تھا۔نجی ٹی وی پروگرام میں صداقت عباسی نے کہا کہ 9مئی جو واقعات ہوئے ہیں وہ نہیں ہونے چاہیں تھے،پی ٹی آئی کے تمام عہدوں سے مستعفی ہونے کے ساتھ یہ کہنا چاہوں گا کہ میں اب مزید اپنے کندھوں پر یہ بوجھ نہیں اٹھاسکتا۔
انہوں نے دعویٰ کیا کہ4مئی کوپلان بناتھاکہ جی ایچ کیو کے قریب ریلی نکالنی ہے، چیئرمین پی ٹی آئی کا بیانیہ یہی تھا کہ ہماری لڑائی اسٹیبلشمنٹ کیساتھ ہے،7 مئی کوزوم میٹنگ بشریٰ بی بی تجویز پربلائی گئی تھی۔انہوںنے کہاکہ 6مئی ریلی کچہری چوک پر نکال کر اسٹیبلشمنٹ کو پیغام دینا تھا۔