اسلام آباد (این این آئی)افغانستان سے پولیو وائرس کی پاکستان منتقلی اور 90 فیصد نمونے افغانستان سے پاکستان آنے کا انکشاف ہوا ہے۔نگران وفاقی وزیر صحت ڈاکٹر ندیم جان نے نجی ٹی وی سے گفتگو میں کہا کہ پولیو کیسز کے 90 فیصد نمونے افغانستان سے امپورٹ ہوئے ہیں۔

انہوں نے ملک میں پولیو کے ہمارے اپنے کیسز 10 فیصد سے بھی کم ہیں اور اگر بچوں نے ویکسین نہ لی تو باہر سے آیا ہوا وائرس بھی اپنا بن جائے گا۔نگران وفاقی وزیر صحت نے کہا کہ نواز شریف کی صحت کا معاملہ وزارت صحت کے پاس نہیں آئے گا، ان سے متعلق معاملات سیاسی ہیں اور وہ چلتے رہیں گے، سیاستدان ہی اس معاملے کا جواب دیں گے۔