لاہور ( این این آئی) پاکستان مسلم لیگ (ن) کے قائد و سابق وزیر اعظم نواز شریف کی جانب سے پاکستان واپسی سے قبل مشرق وسطی کے 3ممالک کے دوروں کا امکان ہے ، نواز شریف وطن واپسی سے قبل سعودی عرب، متحدہ عرب امارات اور قطر کا دورہ کر سکتے ہیں۔ پارٹی ذرائع کے مطابق نواز شریف کے مذکورہ ممالک کے دوروں کے انتظامات جاری ہے ۔
جبکہ نواز شریف کے دوروں میں مریم نواز ، متعدد اہم لیگی رہنما اور ان کی معاشی ٹیم کے دیگر اراکین بھی ہمراہ ہوں گے۔اس حوالے سے پارٹی ذرائع کا کہنا ہے کہ نواز شریف کے ان ممالک کے سربراہوں کے ساتھ ذاتی تعلقات عرصہ دراز سے قائم ہیں ۔نواز شریف ان ممالک کے ساتھ پاکستان میں اربوں ڈالرز کی سرمایہ کاری کے معاملات کو آگے بڑھائیں گے اور انکے وطن پہنچتے ہی مشرق وسطی کے ممالک سے اچھی خبریں آنا شروع ہو جائیں گی، ان اچھی خبروں کے باعث نواز شریف کے ملک میں قدم رکھتے ہی ملکی معیشت پر مثبت اثرات پڑنا شروع ہو جائیں گے۔
