اسلام آباد (این این آئی) پیٹرول کی فی لیٹر قیمت میں 26روپے اضافے نے مہنگائی کی سونامی کی راہ ہموار کردی ہے۔تفصیلات کے مطابق پیٹرول کی فی لیٹر قیمت میں یکمشت 26روپے کے اضافے نے مہنگائی کی سونامی کی راہ ہموار کردی ہے۔دودھ، آٹا، سبزی، گوشت ،کپڑوں، ٹرانسپورٹ اور مکانات کے کرایوں سمیت سب کچھ مزید مہنگا کرنے کا جواز پیدا ہوگیا ہے۔پاکستان ریلوے نے بھی کرایوں میں مزید پانچ فیصد اضافے پر غور شروع کردیا ہے۔بجلی ،پیٹرول کے مارے عوام کو قوت خرید اور سکت نہ ہونے کے باوجود ہر چیز کی بڑھتی قیمت کا سامنا کرنا ہوگا۔شہریوں نے نگران حکومت سے مطالبہ کیا ہے کہ عوام پر رحم کرتے ہوئے ریلیف فراہم کیا جائے۔