اسلام آباد (این این آئی)نیشنل الیکٹرک پاور ریگولیٹری اتھارٹی (نیپرا) نے بجلی صارفین کیلیے بجلی مزید مہنگی کردی۔نیپرا نے بجلی ایک روپے 46 پیسے فی یونٹ مہنگی کردی اور بجلی کی قیمت میں اضافہ جولائی کی ماہانہ فیول ایڈجسٹمنٹ کی مد میں کیا گیا۔نیپرا نے بجلی کی قیمت میں اضافے کا نوٹیفکیشن جاری کردیا جس میں کہا گیا ہے کہ بجلی کی قیمت میں اضافے کا اطلاق ستمبر کے بلوں میں ہوگا۔

نوٹیفکیشن کے مطابق اضافے کا اطلاق لائف لائن اور کے الیکٹرک صارفین پرنہیں ہوگا۔خیال رہے کہ ملک میں عوام پہلے ہی بجلی کی بھاری بلوں کے خلاف سراپا احتجاج ہیں اور کئی شہروں میں شہریوں نے احتجاجاً بجلی کے بلز جلا دیے اور ادائیگی سے انکار کردیا ہے۔