اسلام آباد (این این آئی)الیکشن کمیشن نے ارکان پارلیمنٹ اور صوبائی اسمبلیوں کو ہدایت کی ہے کہ وہ اپنے اثاثوں کی تفصیلات 30ستمبر تک جمع کرا دیں۔ جمعرات کو الیکشن کمیشن کی طرف سے جاری اعلامیے کے مطابق الیکشن کمیشن میں اب تک 207ارکان کے اثاثوں کی تفصیلات جمع کرائی گئیں ہیں جن میں 62ارکان قومی اسمبلی، 30ارکان سینٹ، 61پنجاب اسمبلی کے ارکان ، 33سندھ اسمبلی ، 10کے پی کے اسمبلی اور بلوچستان اسمبلی کے 11ارکان شامل ہیں۔ کل 1174ارکان میں سے 958ارکان نے ابھی تک اپنے اثاثوں کی تفصیلات جمع کرانی ہیں۔ الیکشن کمیشن نے ارکان سے کہا ہے کہ 30ستمبر 2015ءتک اپنے اثاثوں کی تفصیلات جمع کرا دیں۔