اسلام آباد(این این آئی)تحریک انصاف کے سابق رکن قومی اسمبلی ملک نیاز جکھڑ نے پارٹی چھوڑنے سے اپنے راستے الگ کر لیے۔سابق ایم این اے ملک نیاز جکھڑ نیویڈیو پیغام جاری کیا جس میں انہوں نے کہاکہ میں 9مئی کے واقعات کی پر زور مذمت کرتاہوں، یہ واقعات نہیں ہونے چاہیے تھے۔انہوںنے کہاکہ میں تحریک انصاف کامزید حصہ نہیں رہ سکتا ہے، اس لیے پارٹی کو خیر آباد کہتا ہوں، آئندہ انتخابات آزاد امیدوار کے طور پر لڑوں گا۔ خیال رہے کہ سابق رکن قومی اسمبلی ملک نیاز جکھڑ کو گزشتہ دنوں پولیس نے گرفتار کیا تھا۔