کراچی(این این آئی) بین الاقوامی بلین مارکیٹ اور عالمی صرافہ بازاروں میں سونے کی قیمت میں کمی ہوگئی۔عالمی مارکیٹ میں ٹریڈنگ کے دوران سونے کی فی اونس قیمت میں 4 ڈالر کی کمی ہوئی جس کے بعد قیمت 1918 ڈالر کی سطح پر پہنچ گئی۔بلین مارکیٹ میں کمی کے باعث مقامی صرافہ بازاروں میں کاروباری ہفتے کے پانچویں یعنی جمعے کے روز فی تولہ سونے کی قیمت میں 400 جبکہ دس گرام کی قیمت میں 343 روپے کی کمی ہوئی۔کمی کے بعد کراچی، حیدرآباد، سکھر، ملتان، لاہور، فیصل آباد، راولپنڈی اور پشاور میں فی تولہ سونے کی قیمت 2 لاکھ 22 ہزار 400 جبکہ دس گرام کی قیمت 1 لاکھ 90 ہزار 672 روپے کی سطح پر پہنچ گئی۔