پشاور (این این آئی)تحریک انصاف چھوڑنے والے سینئر سیاستدانوں اور مسلم لیگ (ن )میں رابطوں کا انکشاف ہوا ہے۔نجی ٹی وی کے مطابق سابق وزیردفاع پرویزخٹک کے مسلم لیگ (ن)کی اعلیٰ قیادت سے بیک ڈور رابطے جاری ہیں ،لیگی قیادت نے شمولیت کیلئے گرین سگنل بھی دے دیا ہے۔معاملات طے پانے کی صورت میں تحریک انصاف کے سابق رہنما پرویزخٹک وزیراعظم شہبازشریف کی موجودگی میں (ن )لیگ میں شمولیت کا اعلان کریں گے۔
یاد رہے کہ دو روز قبل پاکستان تحریک انصافنے شوکاز نوٹس کا جواب نہ دینے پر اپنے خیبر پختونخوا کے سابق صدر پرویز خٹک کی پارٹی کی بنیادی رکنیت ختم کر دی۔پرویز خٹک سے اراکین کو پارٹی چھوڑنے کیلئے اکسانے کے حوالے سے وضاحت طلب کرتے ہوئے شوکاز نوٹس جاری کیا گیا تھا۔ ترجمان کے مطابق پرویز خٹک نے پارٹی ممبران سے رابطے اور انہیں پارٹی چھوڑنے پر اکسانے کے حوالے سے جاری کیے گئے نوٹس کا مقررہ وقت کے اندر تسلی بخش جواب فراہم نہیں کیا۔
