اتوار‬‮ ، 16 جون‬‮ 2024 

دبئی کی الامارات ایئرلائن کا عالمی سطح پر بھرتیوں کا بڑا منصوبہ

datetime 5  جولائی  2023
ہمارا واٹس ایپ چینل جوائن کریں

دبئی (این این آئی)دبئی کے الامارات گروپ نے فضائی میزبان عملہ (کیبن کریو، پائلٹوں، انجینئروں، آئی ٹی پروفیشنلز اور کسٹمر سروس ایجنٹوں) سمیت 180 کرداروں پر مشتمل عالمی سطح پر بڑی بین الاقوامی بھرتی مہم کا اعلان کیا ہے۔میڈیارپورٹس کے مطابق الامارات گروپ نے ایک بیان میں اعلان کیا ہے کہ وہ نئے ٹیلنٹ کی عالمی سطح پر تلاش کرے گا، کیونکہ وہ اپنی اگلی بڑی ترقی کے مرحلے کی بنیاد رکھے گا۔

عالمی سطح پر لیبر مارکیٹ کے سخت حالات کے باوجود الامارات گروپ نے اپنے مالی سال کا اختتام 31 مارچ کو 102,000 سے زیادہ ملازمین کے ساتھ کیا، جس کے بعد سال بھر میں 17،160 افراد کو مختلف کرداروں میں خوش آمدید کہا گیا۔الامارات گروپ میں ہیومن ریسورسز کے سینئر نائب صدر اولیور گروہمن نے کہا:گروپ نے اپنی پسند کے آجر اور ہوا بازی میں ایک قابل تقلید قوت کے طور پر غیر معمولی ساکھ بنائی ہے۔ لوگ گروپ کی ترقی کی کہانی اور اس کے عزائم کا حصہ بننے کے ساتھ ساتھ دبئی میں کام کرنے اور رہنے کی خواہش رکھتے ہیں، جو دنیا کے سب سے محفوظ، سب سے زیادہ کاسموپولیٹن اور متحرک شہروں میں سے ایک ہے۔

انھوں نے مزید کہا گذشتہ مالی سال میں، ہمیں تنظیم بھر میں کردار وں کے لیے عالمی سطح پرقریبا 27 لاکھ درخواستیں موصول ہوئیں۔ ہم جدید ترین ٹیکنالوجیز، جیسے ڈیجیٹل تشخیص، مصنوعی ذہانت اوراعلی درجے کے بھرتی کے دیگرنظام کا استعمال کر رہے ہیں تاکہ امیدواروں کو سب سے مثر طریقوں سے شارٹ لسٹ، منتخب اور جواب دیا جا سکے. ہماری توجہ بہترین ٹیلنٹ، ذہین ترین اور مختلف کرداروں کے لیے سب سے زیادہ موزوں افراد کو بھرتی کرنے پر مرکوزہے جو ہماری مستقبل کی ترقی اور توسیع کی حمایت کریں گے۔کیبن کریو اور پائلٹوں کی بھرتی کا اعلان فضائی کمپنی کی تاریخ کے ایک اہم وقت میں سامنے آیا ہے جس میں ریکارڈ مالی نتائج اور منافع کا حصہ، متوقع نمو، نیٹ ورک کی توسیع، ایئربس اے 350 اور بوئنگ 777-ایکس کے نئے بیڑے کی 2024 میں شمولیت، ایک پرجوش ٹریول مارکیٹ اور مجموعی طور پر ایک پرامید حکمتِ عملی شامل ہے۔



کالم



صدقہ‘ عاجزی اور رحم


عطاء اللہ شاہ بخاریؒ برصغیر پاک و ہند کے نامور…

شرطوں کی نذر ہوتے بچے

شاہ محمد کی عمر صرف گیارہ سال تھی‘ وہ کراچی کے…

یونیورسٹیوں کی کیا ضرروت ہے؟

پورڈو (Purdue) امریکی ریاست انڈیانا کا چھوٹا سا قصبہ…

کھوپڑیوں کے مینار

1750ء تک فرانس میں صنعت کاروں‘ تاجروں اور بیوپاریوں…

سنگ دِل محبوب

بابر اعوان ملک کے نام ور وکیل‘ سیاست دان اور…

ہم بھی

پہلے دن بجلی بند ہو گئی‘ نیشنل گرڈ ٹرپ کر گیا…

صرف ایک زبان سے

میرے پاس چند دن قبل جرمنی سے ایک صاحب تشریف لائے‘…

آل مجاہد کالونی

یہ آج سے چھ سال پرانی بات ہے‘ میرے ایک دوست کسی…

ٹینگ ٹانگ

مجھے چند دن قبل کسی دوست نے لاہور کے ایک پاگل…

ایک نئی طرز کا فراڈ

عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…