لاہور( این این آئی)استحکام پا کستان پارٹی کی قیادت سیاسی محاذ پر متحرک ہوگئی،جہانگیرخان ترین کے وطن واپسی کے بعد ملک بھر میں سیاسی رابطے تیز کردئیے گئے۔ذرائع کے مطابق پنجاب میں 30سے زائد سابق ارکان اسمبلی اور رہنما استحکام پاکستان پارٹی میں شمولیت اختیار کریں گے۔ سابق ارکان اسمبلی اور رہنمائوں کے بڑے گر
وپ کے ساتھ معاملات کو حتمی شکل دیدی گئی۔جہانگیرترین ،علیم خان آئندہ چند روز میں لاہور،اسلام آباد ،کراچی میں اہم ملاقاتیں کریں گے ،خیبرپختونخواہ کی بڑی سیاسی شخصیات کے ساتھ بھی دوبارہ رابط کیا ہے۔رواں ہفتے استحکام پاکستان پارٹی سیاسی منظر نامے پر بڑے بریک تھرو کے لئے تیار ہے۔ رواں ہفتے پارٹی کی الیکشن کمیشن میں رجسٹریشن کے عمل کو بھی مکمل کرلیا جائے گا۔
