اسلام آباد (نیو زڈیسک )بولی ووڈ کی آن سکرین حسین جوڑی عالیہ بھٹ اور سدھارت ملہوترہ نے آف سکرین ایک ہو نے کا فیصلہ کر لیا ہے۔واضح رہے یہ خوبصورت اور نوجوان جوڑے کی محبت کے چرچے آجکل زبان زد عام ہیں۔زرائع کے مطابق حال ہی میں عالیہ بھٹ کو سدھارت ملہوترہ کے گھروالو ں کی طرف سے رات کے کھانے پر مدعو کیا گیا۔عالیہ نے سدھارت کی فیملی کے ساتھ کافی اچھا وقت گزارا۔علاوہ ازیں کہا جا رہا ہے کہ جوڑے نے اپنے حالیہ رشتے کو مزید مضبوط کرنے کا فیصلہ کر لیا ہے۔ جب اداکارہ عالیہ بھٹ سے اس بارے میں پوچھا گیا تو انھوں نے سخت الفاظ میں اس بات کی تردید کرتے ہوئے کہا کہ وہ ابھی شادی نہیں کرنا چاہتیں۔ تاہم سدھارت ملہوترہ کا کہنا ہے کہ شادی واقعی مضبوط بندھن ہے لیکن وہ اتنی جلدی شادی نہیں کرنا چاہتے۔البتہ انھوں نے عالیہ بھٹ کے ساتھ اپنے تعلقات کی تصدیق ضرور کر دی ہے۔