اسلام آباد (نیوزڈیسک )قومی کرکٹ ٹیم رواں ماہ زمبابوے کے خلاف دو ٹی ٹونٹی اور تین ایک روزہ بین الاقوامی میچوں کی سیریز کھیلے گی۔ قومی ٹیم 27 ستمبر کو پہلے ٹی ٹونٹی میچ سے دورے کا آغاز کرے گی، دونوں ٹیموں کے درمیان سیریز کا دوسرا اور آخری ٹی ٹونٹی میچ 29 ستمبر کو کھیلا جائے گا۔ اس کے بعد پاکستان اور زمبابوے کے درمیان تین ایک روزہ میچوں پر مشتمل سیریز کا پہلا میچ یکم اکتوبر، دوسرا میچ 3 جبکہ تیسرا اور آخری میچ 5 اکتوبر کو کھیلا جائے گا۔ واضح رہے کہ ٹی ٹونٹی اور ون ڈے سیریز کے تمام میچز ہرارے سپورٹس کلب میں کھیلے جائیں گے۔