اسلام آباد (نیوزڈیسک ) پاکستان باسکٹ بال فیڈریشن (پی بی ایف) کے زیر اہتمام قومی خواتین باسکٹ بال چیمپئن شپ 9 سے 13 اکتوبر تک گورنمنٹ اسلامیہ کالج فار ویمن مدینہ ٹاﺅن فیصل آباد میں کھیلی جائے گی۔ پی بی ایف کی طرف سے جاری کردہ تفصیلات کے مطابق پانچ روزہ ایونٹ میں ملک بھر سے ٹیمیں ٹائٹل کے حصول کیلئے ایکشن میں دکھائی دیں گی جن میں پاکستان واپڈا، پاکستان آرمی، پاکستانی نیوی، پاکستان پولیس، پاکستان ایئرفورس، ہائر ایجوکیشن کمیشن شامل ہیں، اس کے علاوہ تمام باسکٹ بال ڈویژنل ایسوسی ایشنز کی ٹیمیں بھی قسمت آزمائی کریں گی۔