اسلام آباد (این این آئی)رکن قومی اسمبلی محسن داوڑ نے کہاہے کہ رکن اسمبلی علی وزیر کو شمالی وزیرستان سے گرفتار کرلیاگیا ہے ۔ قومی اسمبلی میں اظہار خیال کرتے ہوئے انہوںنے کہاکہ آج کل میں جب بھی بات کرتا ہوں کسی کی گرفتاری کی بات کرتا ہوں،صبح رکن قومی اسمبلی علی وزیر کو شمالی وزیرستان سے گرفتار کیا گیا،ان کی گرفتاری کی کوئی وجوہات سامنے نہیں آئیں،انہیں اطلاعات کے مطابق ایف آئی اے نے گرفتار کیا ہے،جب اجلاس جاری ہو تو کسی رکن قومی اسمبلی کو گرفتار نہیں کیا جا سکتا۔ انہوںنے کہاکہ اسپیکر صاحب، اس حوالہ سے معلومات حاصل کی جائیں، اب تک تو یہ اغوا ہی ہے۔