اسلام آباد (مانیٹرنگ ڈیسک)آذربائیجان سے بین الحکومتی بنیادوں پر ایل این جی خریدنے پراختلافات کے باعث سابق وزیراعظم شاہد خاقان عباسی نے ای سی سی کی رکنیت سے استعفیٰ دے دیا۔نجی ٹی وی جیو نیوز کے مطابق ذرائع کا کہنا ہے کہ شاہد خاقان عباسی نے سرکاری کمپنی پی ایل ایل کے ذریعے آذربائیجان سے ایل این جی خریدنے کی مخالفت کی۔ذرائع نے بتایا کہ شاہد خاقان کا مؤقف تھا آذربائیجان سے ایل این جی کارگو پاکستان کی نجی کمپنی کے ذریعے خریدے جائیں۔ذرائع کا کہنا ہے کہ پیٹرولیم ڈویژن نے شاہد خاقان عباسی کی ہدایت کے مطابق سمری تیار کرنے سے انکار کیا تھا۔