نئی دہلی (این این آئی )بھارت سے ایک ہتھنی کی ویڈیو وائرل ہو رہی ہے جو اپنے مرے ہوئے بچے کی سانسیں بحال کرنے کی کوشش کر رہی ہے۔غیرملکی خبررساں ادارے کے مطابق ٹوئٹر پر شیئر کردہ ویڈیو میں دیکھا جاسکتا ہے کہ ہتھنی اپنے مردہ بچے کو دریا کے پانی میں رکھ کر اسے زندہ کرنے کی کوشش کر رہی ہے۔
یہ واقعہ آسام کے علاقے گوریسوار میں پیش آیا، ویڈیو شیئر کرنے والے فاریسٹ افسر پراوین کسوان نے کہا کہ ہاتھی اپنے مردہ ساتھیوں کو چھوڑتے نہیں بلکہ ان کی لاش اٹھا کر ٹھکانے لگاتے ہیں۔ویڈیو ایک پل سے بنائی گئی ہے، ہتھنی یہ جانتے ہوئے بھی کہ بچہ ابدی نیند سوچکا ہے اسے جگانے کی کوشش کر رہی ہے۔
