اسلام آباد (این این آئی) وفاقی حکومت میں شامل اتحادی جماعتوں کے قائدین نے قومی اسمبلی آئینی مدت سے چند روز قبل تحلیل کرنے پر غور شروع کردیا ہے۔نجی ٹی وی کے مطابق عام انتخابات کی تاریخ سے متعلق حکومتی اتحاد نے مشاورت شروع کردی ہے،
حکومتی رہنماؤں کے درمیان قومی اسمبلی آئینی مدت سے ایک ہفتہ قبل تحلیل کرنے کی تجویز پر غوری جاری ہے۔وزیراعظم شہبازشریف بھی قائد (ن) لیگ نواز شریف سے اسمبلی مدت کے معاملے پر ہدایت لیں گے۔ حکومتی حلقوں میں نومبر 2023ء کے پہلے ہفتے میں انتخابات کرنے پر مشاورت جاری ہے۔متفقہ لائحہ عمل کے لئے اتحادیوں کے سربراہی اجلاس میں حتمی فیصلہ ہوگا۔
