لاہور( این این آئی)کائونٹر ٹیرر ازم ڈیپارٹمنٹ کی دہشتگردی کے خدشات کے پیش نظر پنجاب میں کارروائیاں جاری ہیں، انٹیلی جنس بیسڈ آپریشنز کے دوران 6 دہشتگردوں کو گرفتار کر لیا گیا ۔

ترجمان سی ٹی ڈی کے مطابق ملتان سے 3 ، گوجرانوالہ سے 2 اور ڈیرہ غازی خان سے ایک خطرناک دہشتگرد کو گرفتار کیا گیا ہے ، گرفتار دہشتگردوں کا تعلق مختلف کالعدم تنظیموں سے ہے ۔ ترجمان کے مطابق دہشتگردوں سے بارودی مواد ، ڈیٹو نیٹرز، لیپ ٹاپ پرائما کارڈ اور 18ہزار 800 روپے نقدی بھی برآمد کی گئی ہے۔سی ٹی ڈی حکام کے مطابق گرفتار دہشتگردوں کی شناحت لیاقت،ندیم، عنایت، عمار، اعجاز اور یونس کے نام سے ہوئی ہے جن کے خلاف 6 مقدمات درج کرکے مزید تفتیش جاری ہے۔رپورٹ کے مطابق رواں ہفتے227 کومبنگ آپریشنز کے دوران 24 مشتبہ افراد گرفتار کیے گئے ، کومبنگ آپریشنز میں 11694 افراد سے پوچھ گچھ کی گئی ۔