چمن (مانیٹرنگ ڈیسک) عدالت سے ضمانت منسوخ ہونے پر پاکستان تحریک انصاف کے 5 سابق رہنماؤں کو گرفتار کر لیا گیا۔
نجی ٹی وی ایکسپریس نیوز کے مطابق چمن کے قریب 9 مئی کو قومی شاہراہ بلاک کرنے والے پی ٹی آئی کے 5 سابق رہنماؤں کی عدالت نے ضمانت منسوخ کر دی جس پر پولیس نے گرفتار کر کے جیل بھجوا دیا۔پی ٹی آئی کے رہنما نذیر اچکزئی ، صلاح الدین ، امان اللہ ، جلال سعدی اور فیصل باری پارٹی عہدوں سے استعفے دے چکے ہیں۔
