کراچی(این این آئی)پاکستان تحریک انصاف کے منحرف رہنما محمود اے مولوی نے کہا ہے کہ ممکن ہے خان صاحب شاہ محمودقریشی کوپارٹی سونپ دیں اورہوسکتاہے کہ شاہ محمودقریشی پارٹی چھوڑدیں۔خصوصی گفتگوکرتے ہوئے محمود اے مولوی نے کہا کہ شاہ محمودقریشی سے ملاقات اچھی رہی،نتائج جلدآئیں گے،ممکن ہے خان صاحب شاہ محمودقریشی کوپارٹی سونپ دیں اور یہ بھی ہوسکتا ہے کہ شاہ محمودقریشی پارٹی چھوڑدیں۔

انہوں نے کہا کہ جہانگیرترین اوردیگرلوگوں سے میری مشاورت جاری ہے، جبکہ پرویزخٹک کے ساتھ میری کوئی مشاورت نہیں ہوئی،پرویزخٹک کے ساتھ30سے40ایم پی ایزہونامعمولی بات ہے،پرویزخٹک نے پارٹی عہدہ چھوڑا،وہ سیاسی طورپرمضبوط آدمی ہیں۔منحرف پی ٹی آئی رہنما نے کہا کہ9مئی کے بعدچیزیں بدل گئی ہیں، نو مئی کے واقعات کو مد نظر رکھتے ہوئے پی ٹی آئی میں واپس نہیں جائیں گے،عدالتی فیصلوں کا اخترام کرنا چاہیے۔محمود اے مولوی نے کہا کہ سیاست کے علاوہ ملک کی خدمت کے اوربھی طریقے ہیں،تمام سیاسی جماعتوں سے اچھے تعلقات ہیں،پیپلزپارٹی اورایم کیوایم میں شمولیت کی پیشکش ہے۔