پشاور(این این آئی)پاکستان تحریک انصاف کے رہنماء علی امین گنڈا پور کو پارٹی میں اہم عہدہ دے دیا گیا۔تحریک انصاف خیبرپختونخوا میں تبدیلی آگئی، علی امین گنڈا پور کو پی ٹی آئی خیبرپختونخوا کا صدر اور علی اصغر خان کو پی ٹی آئی کا جنرل سیکرٹری مقرر کردیا گیا۔

پی ٹی آئی کے مرکزی سیکرٹری جنرل عمر ایوب نے پارٹی سربراہ عمران خان کی ہدایت پر دونوں رہنماؤں کی تعیناتی کا نوٹیفکیشن جاری کردیا۔واضح رہے کہ9اور 10مئی کو شرپسند واقعات پر سابق وزیر اعلیٰ پرویز خٹک نے تحریک انصاف خیبر پختونخوا کی صوبائی صدارت سے استعفیٰ دے دیا تھا جس کے بعد یہ اہم عہدہ خالی تھا۔