پشاور(این این آئی)سندھ، پنجاب اور اسلام آباد کے بعد خیبرپختونخوا میں بھی اینٹی بائیوٹک سے ٹھیک نہ ہونے والا ٹائیفائیڈ پھیل گیا،صوبے بھر میں گزشتہ 2 ماہ میں ٹائیفائیڈ کے 10 ہزار کیسز رپورٹ ہوئے ہیں۔خیبرپختونخوا کے محکمہ صحت کے ڈائریکٹر ڈاکٹرارشاد علی نے بتایا کہ ٹائیفائیڈ کیسب سے زیادہ 1600کیسز پشاور میں رپورٹ ہوئے۔ڈائریکٹر محکمہ صحت کے مطابق ان دنوں پھیلنے والے ٹائیفائیڈ میں اینٹی بائیوٹکس کام نہیں کر رہیں، ٹائیفائیڈ مرض میں بعض اینٹی بائیوٹکس کام کرنا چھوڑ دیتی ہیں، صفائی نہ رکھنے پریہ بیماری دوسروں کو منتقل ہوتی ہے۔انہوں نے کہا کہ آلودہ پانی اورغذا کیاستعمال سے یہ ٹائیفائیڈ بڑھتا ہے۔