مکوآنہ (این این آئی)فیصل آباد میں اوباش افراد نے شادی کا جھانسہ دیکر دو لڑکیوں کو بے آبرو کر دیا جبکہ نوجوان سمیت 5 خواتین کو اغواء کر لیا گیا، پولیس نے مقدمات درج کر کے تفتیش شروع کر دی‘

مدینہ ٹائون کے علاقہ فخر آباد کی رہائشی ہما بی بی نے بتایا کہ اوباش نوجوان ہارون نے اسکی بیٹی کرشمہ کو شادی کا جھانسہ دیکر اغواء کر کے ہوس کا نشانہ بناتا رہا۔منصور آباد کے علاقہ ملک پور کی رہائشی اقراء بی بی نے بتایا کہ اسکا بھتیجا گھر آ کر اسکی جواں سالہ بیٹی کو زیادتی کا نشانہ بنا کر فرار ہو گیا

جبکہ نیو سول لائن کے علاقہ میں اصغر نے بتایا کہ اس کا 30 سالہ بیٹا عبدالرحمن گھر سے ڈیوٹی پر گیا لیکن واپس نہ آیا۔

لائلپور گیلریا سے اوباش نوجوان توقیر نے صبا کو کار میں ڈال کر لے گئے‘ ملک پور میں یاسر کی ہمشیرہ کو زین وغیرہ نے اغواء کر لیا‘

جھمرہ کی رہائشی سلمیٰ بی بی کی بیٹی ماہ نور کو نامعلوم ملزمان اٹھا کر لے گئے‘ رضا آباد کے رفیق کی بیٹی عائشہ کو اغواء کر لیا گیا۔