ممبئی(آن لائن)پاکستان کی معروف ماڈل صائمہ اظہر نے بھارت جاکر رنگ دکھانا شروع کردیئے اور انہوں نے پاکستانی گلوکار عدنان سمیع کے نقش قدم پر چلتے ہوئے بھارت میں رہنے کی خواہش کا اظہار کردیا ہے۔گزشتہ دنوں پاکستانی ماڈل صائمہ اظہر نے نئی دلی میں پاکستانی سفارت خانے کے زیر اہتمام ثقافتی پروگرام”شان پاکستان“ کے فیشن شو میں شرکت کی جہاں ماڈل صائمہ نے بھارتی مےں رہنے کی اپنی خواہش کا اظہار کر دیا۔ بھارتی میڈیا سے بات کرتے ہوئے پاکستانی ماڈل صائمہ اظہر کا کہنا تھاکہ مجھے لگتا ہے میں غلطی سے پاکستان میں ڈراپ ہوگئی ہوں اور مجھے بھارت میں ہونا چاہئے۔واضح رہے کہ پاکستانی گلوکار عدنان سمیع بھی بھارتی شہریت کے لیے کوشاں ہیں جبکہ انہیں انسانی ہمدردی کی بنیاد پر بھارت میں رہنے کی اجازت دی ہوئی ہے۔