اسلام آباد (آن لائن) اداکارہ میرا نے دیگر اداکاراؤں کی نسبت 3گنا مہنگا قربانی کا جانور خرید لیا ہے جو فیصل آباد کی منڈی سے خریدا گیا ہے اور اس کی قیمت لاکھوں روپے ہے ۔ اداکارہ میرا نے ” پپو بیل” کے مالک کو کسی بھی شخص کو جانور کی قیمت بتانے سے روک دیا ہے اور کہا ہے کہ وہ چاہتی ہیں کہ وہ خود اس بارے میڈیا کو بتائیں ۔ جمعرات کو وہ قربانی کے جانور کی رونمائی کریں گی اور میڈیا کو اس بارے تفصیلات بتائیں گی ۔ ذرائع نے آن لائن کو بتایا کہ اداکارہ میرا کو پپو نامی بیل بہت زیادہ پسند آیا ہے جس کی قیمت 15 سے 40 لاکھ روپے کے درمیان بتائی جاتی ہے یہ قربانی کا جانور ان کے چاہنے والے نے خریدا ہے مگر ذرائع کا کہنا ہے کہ وہ اس کی خریداری بارے میرا کا نام لے رہے ہیں میرا کے پاس یہ جانور بدھ کو گھر پہنچے گا جمعرات کو وہ یہ جانور میڈیا کے ذریعے سب کو دکھائیں گی ۔