کراچی(این این آئی)پاکستان تحریک انصاف کراچی نے ایف آئی آر اور ایم پی او کے تحت گرفتار کارکنان اور عام عوام کی ضمانت اور رہائی کا مطالبہ کرتے ہوئے کہا ہے کہ کراچی سے 190کارکنان اور 300شہری گرفتار ہیں ان میں سے177کارکنوں کو دیگر شہروں میں منتقل کردیا گیاہے۔پی ٹی آئی کراچی کے مطابق 177کارکنان کو ایم پی او کے تحت گرفتار کر کے دوسرے شہروں میں منتقل کیا گیا ہے،

300سے زائد عام عوام کو بھی گرفتار کیا گیا ہے جو ہمارے کارکنان نہیں لیکن ہمارے نظریے کے حامی ہیں۔پی ٹی آئی کراچی کے مطابق ان کے سوا بڑی تعداد ان افراد کی بھی ہے جن کے ایم پی او اب تک جاری نہیں کیے گئے، ان افراد کو نا معلوم مقامات پر رکھا ہوا ہے جس کی کوئی اطلاع نہیں دی جارہی، ہم تمام گرفتار کارکنان اور سپورٹرز کی رہائی کا مطالبہ کرتے ہیں اور عدلیہ سے درخواست ہے کہ کارکنان اور عوام کو انصاف فراہم کریں۔

موضوعات:پی ٹی آئی