بالی وڈ(نیوز ڈیسک)بالی وڈ کنگ شاہ رخ خان اور بگ بی امیتابھ بچن امریکہ سمیت 8ممالک کے بین الاقوامی ہوائی اڈوں پر بغیر تلاشی کے داخل ہوسکیں گے۔ بھارتی حکومت نے امریکہ کو اپنے کئی وی وی آئی پی شہریوں کی لسٹ فراہم کی ہے، جنہیں امریکہ سمیت 8ممالک میں گلوبل انٹری پروگرام کے تحت بین الاقوامی ہوائی اڈوں پر رعایت دی جائے گی۔ اس فہرست میں سابق بھارت صدور اور وزرائے اعظم سمیت تاجر بھی شامل ہیں۔ گلوبل انٹری پروگرام کے تحت بگ بی امیتابھ بچن اور کنگ خان کو امریکہ، کینیڈا، ہالینڈ، پناما، جنوبی کوریا، جرمنی، پیرو، میکسیکو اور برازیل کے ایئرپورٹس پر بغیر کسی تلاشی کے جانے کی اجازت ہوگی۔