اسلام آباد (مانیٹرنگ ڈیسک ) متحدہ عرب امارات کے رہائشیوں کو اگلے ماہ عید الاضحی پر سال کی طویل ترین چھٹیاں ملیں گی جو 6 دن پر محیط ہوں گی۔تفصیلات کے مطابق عید الاضحی پر حکومت نے نجی اور سرکاری شعبے کیلئے4 چھٹیوں کا اعلان کیا ہے
جس میں ایک دن یوم عرفہ اور 3 دن عید کے شامل ہیں۔ یہ تعطیلات 9 سے 12 ذوالحج تک ہوں گی۔ٹوئنٹی فور نیوز کے مطابق عیسوی تقویم کے اعتبار سے یہ چھٹیاں منگل 27 جون سے جمعہ 30 جون تک ہوں گے جس کے بعد اختتام ہفتہ کی دو چھٹیاں ہوں گی یوں یواے ای کے رہائشیوں کو عید الاضحی پر 6 چھٹیوں کا موقع ملے گا۔ تاہم یواے ای کے رہائشی اس 6 چھٹیوں کو 9 یا 10 چھٹیوں میں آسانی سے تبدیل کرسکتے ہیں انہیں بس پیر 26 جون کو ایک دن کی رخصت کی درخواست دینا ہوگی۔ اگر چھٹی منظورہوجاتی ہے تو پھر یہ ملازمین 24 جون سے 2 جولائی تک 9 تعطیلات سے لطف اندوز ہوں گے۔ اور اگر وہ شارجہ میں کام کرتے ہیں پھر ایک اور اضافی دن مل جائے گا اور ان کی چھٹیاں 10 روز کی ہوجائیں گی۔ عیدالاضحی کا حتمی اعلان یواے ای کی رویت ہلال کمیٹی جون کے وسط میں چاند دیکھنے کے بعد کرے گی۔
