لندن (نیوز ڈیسک) انگلش کرکٹ بورڈ نے پاکستان کیخلا ف ٹیسٹ سیریز کے لیے پاکستانی نژاد ظفر انصاری کو اسکواڈ میں شامل کر لیا۔انگلینڈ کرکٹ بورڈ نے پاکستان کے خلاف ابوظہبی میں 13 اکتوبر سے شروع ہونے والی ٹیسٹ سیریز کے لیے سکواڈ کا اعلان کر دیا ہے۔ ای سی بی نے ٹیسٹ سیریز کے لیے سرے کاو¿نٹی کی جانب سے کھیلنے والے پاکستانی نژاد ظفر انصاری کو ٹیم میں شامل کیا ہے۔ ظفر انصاری تیسرے پاکستانی نژاد برطانوی شہری ہیں جنھیں برطانوی کرکٹ ٹیم میں جگہ ملی ہے۔ ان سے پہلے معین علی اور عادل رشید بھی انگلش کرکٹ ٹیم میں جگہ بنا چکے ہیں۔