لاہور( این این آئی) محکمہ ریلوے نے یکم مئی سے چلنے والی شالیمار ایکسپریس کے کرائے میں رعایت دینے کا اعلان کر دیا ۔چیف ایگزیکٹو آفیسر کی منظوری کے بعد چیف مارکیٹنگ مینیجر کی جانب سے جاری کئے گئے نوٹیفکیشن کے مطابق یکم مئی سے چلنے والی 27اپ،28ڈائون شالیمار ایکسپریس کے ذریعے سفر کرنے والے مسافر یکم سے 15مئی تک تمام کلاسز کے کرائے میں20فیصد جبکہ 16سے 31مئی تک 10فیصد رعایت حاصل کر سکیں گے۔ تمام ڈویژنل سپرنٹنڈنٹس کو ہدایت کی گئی ہے کہ وہ پیشگی بکنگ کرانے والے مسافروں کو اضافی رقم ریفنڈ کریں ۔