اسلام آباد (این این آئی)ایرانی ڈیزل کی پاکستان میں اسمگلنگ کا دائرہ مزید وسیع ہوگیا ہے اور بڑے پیمانے پر ملک میں اسمگل شدہ ایرانی ڈیزل استعمال ہو نے لگا۔انڈسٹری ذرائع کے مطابق بلوچستان میں صرف 12پمپس پر معیاری اور دیگر تمام 356 پمپس پر ایرانی ڈیزل فروخت ہو رہا ہے۔آئل انڈسٹری کا تخمینہ ہے کہ پاکستان میں ایرانی ڈیزل کی ماہانہ اسمگلنگ 30 کروڑ لیٹر ماہانہ سے بڑھ گئی ہے۔انڈسٹری ذرائع کے مطابق ایرانی ڈیزل کے سبب معیاری ڈیزل کی فروخت میں 43 فیصد کی بڑی کمی ہوئی ہے۔ذرائع کے مطابق ایران سے پیٹرول اسمگلنگ بھی بڑھنے لگی ہے اور اس کا حجم 3 کروڑ لیٹر ماہانہ سے بڑھ گیا ہے۔