اسلام آباد (این این آئی)سپریم کورٹ میں وزیراعظم شہباز شریف اور چیف الیکشن کمشنر سکندر سلطان راجہ کو عہدوں سے ہٹانے کیلئے درخواست دائر کردی گئی،ظہور فیصل نامی شہری کی جانب سے دائر درخواست میں وفاق، شہباز شریف، سکندر سلطان راجہ، صدر عارف علوی، مولانا فضل الرحمن کو فریق بنایا گیا ہے۔

میڈیا رپورٹ کے مطابق سپریم کورٹ میں شہباز شریف اور سکندر سلطان راجہ کو عہدوں سے ہٹانے کیلئے دائر درخواست میں موقف اختیار کیا گیا کہ وزیر اعظم شہباز شریف الیکشن فنڈز کا بل مسترد ہونے کے بعد قومی اسمبلی کا اعتماد کھو بیٹھے ہیں،چیف الیکشن کمشنر سکندر سلطان راجہ کا الیکشن کیلئے فنڈز اور سیکورٹی کا تقاضا بھی غیر مناسب ہے،عدالت قرار دے شہبازشریف، چیف الیکشن کمشنر انتخابات کے معاملہ پر پارٹی بن چکے ہیں،سپریم کورٹ نگران وزیر اعظم اور نگران چیف الیکشن کمشنر کی تعیناتی کا حکم دیخسپریم کورٹ 21 ارب روپے جاری کرنے، فوج اور رینجرز کے بغیر الیکشن کرانے کا حکم دے۔