لاہور ( این این آئی) پاکستان مسلم لیگ (ن) کے سینئر رہنما و وفاقی وزراء خواجہ سعد رفیق اور ایاز صادق نے لاہور ڈیفنس میں تحریک انصاف کے مرکزی رہنما پرویز خٹک کی رہائش گاہ پر ملاقات کے لیے گئے۔دونوں وزراء نے پی ٹی آئی رہنما پرویز خٹک کی اہلیہ کے انتقال پر اظہار تعزیت کیا۔اس کے علاوہ پی ٹی آئی کے مرکزی صدر چودھری پرویز الٰہی بھی پرویز خٹک کی رہائش گاہ پہنچے۔پرویز الٰہی نے پرویز خٹک سے ان کی اہلیہ کے انتقال پر اظہار تعزیت کیا۔سابق اسپیکر اسد قیصر نے بھی پرویز خٹک سے ان کی اہلیہ کے انتقال پر اظہار تعزیت کیا اور مرحومہ کے ایصال ثواب کے لئے فاتحہ خوانی کی۔واضح رہے کہ پاکستان تحریکِ انصاف کے رہنما پرویز خٹک کی اہلیہ نوشہرہ میں انتقال کرگئی تھیں۔اہلِ خانہ کے مطابق پرویز خٹک کی اہلیہ کچھ عرصے سے بیمار تھیں۔