سکھر (این این آئی)پاکستان پیپلز پارٹی کے مرکزی رہنما خورشید شاہ نے کہا ہے کہ ہمارے اداروں نے ملک کو بند گلی میں دھکیل کر بند کر دیا ہے۔ پیپلز پارٹی کے مرکزی رہنما خورشید شاہ نے سکھر میں میڈیا سے گفتگو کرتے ہوئے کہا ہے کہ اداروں نے ملک کو بند گلی میں بند کر دیا ہے، پہلے کے پی اسمبلی تحلیل ہوئی لیکن زور پنجاب پر ہے۔ یہ چاہتے ہیں پنجاب میں 6 مہینے پہلے انتخابات ہوں۔خورشید شاہ نے کہا کہ یہ ایسا نظام لانا چاہتے ہیں جس سے صرف تباہی آسکتی ہے۔ سیاست میں مذاکرات ہونے چاہئیں، لیکن دھمکی دے کر مذاکرات نہیں کرائے جاسکتے۔انہوںنے کہا کہ قانون سازی کرنا پارلیمنٹ کا کام ہے۔ پارلیمنٹ کے کیے گئے فیصلوں اور قوانین پر عدلیہ اسٹے نہیں کرسکتی بلکہ عمل کرتی ہے۔