کراچی (این این آئی)کراچی میں فرقہ وارانہ کلنگ کرنے والے دہشتگردوں کا نیٹ ورک بیرون ملک سے آپریٹ ہونے کا انکشاف ہوا ہے۔کراچی میں فرقہ وارانہ ٹارگٹ کلنگ کے حوالے سے تحقیقاتی اداروں اور پولیس کی تفتیش میں اہم پیشرف سامنے آئی ہے اور انکشاف ہوا ہے کہ فرقہ وارانہ تخریب کاری کا نیٹ ورک بیرون ملک سے آپریٹ ہورہا ہے۔اس حوالے سے ذرائع کا کہنا ہے کہ پولیس اور وفاقی حساس ادارے کی مشترکہ کارروائی میں مذہبی بنیادوں پر ٹارگٹ کلنگ میں ملوث دہشت گرد گرفتار ہوا، اور گرفتار دہشتگرد نے انکشاف کیا ہے کہ دہشت گردوں کا نیٹ ورک بیرون ملک سے آپریٹ ہوتا ہے۔

موضوعات:ٹارگٹ کلنگ