راولپنڈی (این این آئی)پاکستان کرکٹ بورڈ (پی سی بی) نے مکی آرتھر کو ڈائریکٹر پاکستان کرکٹ ٹیم تعینات کردیا۔ پی سی بی کی جانب سے جاری اعلامیے کے مطابق مکی آرتھر کی ذمہ داریوں میں پاکستان مینز ٹیم کی حکمت عملی کی تشکیل، ڈیزائن اور اسکی نگرانی شامل ہیں۔

کہا گیا کہ مکی آرتھر آئی سی سی مینز کرکٹ ورلڈ کپ 2023، دورہ آسٹریلیا میں بھی کوچنگ اسٹاف میں شامل رہیں گے۔اعلامیے کے مطابق مکی آرتھر ویسٹ انڈیز کے خلاف ہوم سیریز کیلیے بھی قومی ٹیم کے کوچنگ اسٹاف کا حصہ ہوں گے۔کرکٹ بورڈ نے کہا کہ مکی آرتھر ایشیا کپ میں بھارت کے خلاف میچز میں بھی پاکستانی ٹیم کے ساتھ رہیں گے۔خیال رہے کہ پاکستان کرکٹ ٹیم کے سابق کوچ مکی آرتھر چند روز قبل ہی اسلام آباد پہنچے تھیخان کے بارے میں بتایا جارہا ہے کہ وہ 20 اپریل تک پاکستان ٹیم کے ہمراہ ہوں گے۔بتایا جارہا تھا کہ مکی آرتھر کو پاکستان ٹیم کے ڈائریکٹر کی ذمہ داریاں دی جائیں گی۔گزشتہ ماہ مکی آرتھر نے کہا تھا کہ میں پاکستان کے تمام کھلاڑیوں کے ساتھ رابطے میں رہا ہوں، پاکستان ٹیم کو مینج کرنا اہم ہے، میرے تعلقات ان کے ساتھ اچھے ہیں۔