پاکستان کی سرزمین پر آ کربہت خوشی ہورہی ہے، بھارت سے سکھ یاتری پاکستان پہنچ گئے

لاہور( این این آئی)بھارت سے بیساکھی میلے میں شرکت کے لئے بڑی تعداد میں سکھ یاتری واہگہ بارڈر کے راستے لاہور پہنچ گئے۔بھارت سے آئے سکھ یاتری 14 اپریل کو گوردوارہ پنجہ صاحب حسن ابدال میں ہونے والی مرکزی تقریب میں شرکت کریں گے، دورے کے دوران زائرین ڈیرہ صاحب، پنجہ صاحب، ننکانہ صاحب اور کرتارپور صاحب جائیں گے۔متروکہ وقف املاک بورڈرکے ایڈیشنل سیکرٹر ی رانا شاہد نے واہگہ بارڈر پر سکھ یاتریوںکا استقبال کیا۔اس موقع پر سکھ یاتریوں کا کہنا تھا کہ پاکستان کی سرزمین پر آکربہت خوشی ہورہی ہے، پاکستان بھارت اختلاف کو بھلا کرامن کا پیغام دیتے ہیں ۔سکھ یاتری 18 اپریل کو مذہبی رسومات کی ادائیگی کے بعد بھارت روانہ ہوجائیں گے ۔

موضوعات:سکھ یاتری

کالم

Rich Dad — Poor Dad