اسلام آباد(نیوزڈیسک)وزیر داخلہ چوہدری نثار علی خان کے حکم پر جعلی شناختی کارڈ بنانے میں ملوث نادرا اہلکاروں کے خلاف کارروائی تیز کر دی گئی ہے اور کراچی اور اسلام آباد کے بعد پیر کو گوادر سے اسسٹنٹ ڈائریکٹر سمیت نادرا کے دواہلکار گرفتارکرلئے گئے۔ یہ گرفتار اہلکار ایرانی باشندوں کو غیر قانونی طور پر شناختی کارڈ کے اجرا میں ملوث پائے گئے۔وزیر داخلہ نے ہدایت کی ہے کہ جعلی شناختی کارڈ بنانے والے عناصر کے خلاف صرف محکمانہ کاروائی ہی نہیں بلکہ انکی فوری گرفتاری بھی عمل میں لائی جائے۔ نادرا جیسے اہم قومی ادارے کو غلط کاریوں میں ملوث عناصر سے پاک کرنے کےلئے بلا تفریق و امتیاز کاروائی جاری رکھی جائے۔

مزید پڑھئے:اہم قرارداد سینٹ سے متفقہ طور پر منظور