اسلام آباد (این این آئی)قومی ٹیم کے وکٹ کیپر بلے باز محمد رضوان کو پاکستان کرکٹ ٹیم کا نائب کپتان بنائے جانے کا امکان ہے۔ذرائع نے بتایا کہ سلیکشن کمیٹی نے نائب کپتان کے حوالے سے مشاورت مکمل کرلی ہے اور محمد رضوان کا نام فائنل کرلیا گیا ہے۔نائب کپتان کے عہدے کیلئے آل راؤنڈر شاداب خان اور محمد رضوان کے درمیان مقابلہ تھا۔

پاکستان کرکٹ بورڈ کی جانب سے قومی ٹیم کے نائب کپتان کا اعلان جلد متوقع ہے۔محمد رضوان اس سے قبل شاہین آفریدی کی کپتانی کے دوران بھی نائب کپتان تھے۔اس سے قبل بابر اعظم کے سابقہ دور قیادت میں بھی رضوان نائب کپتان کی ذمے داریاں نبھا چکے ہیں۔