ابو ظہبی(آئی این پی)قومی ٹیم کے لیگ سپنر یاسر شاہ نے لیجنڈری فاسٹ بالر وقار یونس کا28سال پرانا ریکارڈ برابر کردیا ہے۔32سالہ یاسر شاہ نے کیویز کیخلاف متحدہ عرب امارت میں کھیلی گئی ٹیسٹ سیریز میں شاندار بالنگ کا مظاہرہ کرتے ہوئے محض19.03کی اوسط سے29کھلاڑیوں کو پوویلین بھیجا جس کے ساتھ ہی انہوں نے 3ٹیسٹ میچز کی سیریزمیں نیوزی لینڈ کے خلاف مجموعی طور پر زیادہ شکار کرنے کا وقار یونس کا ریکارڈ بھی برابر کردیا ، وقار یونس نے1990میں کیویز کیخلاف ٹیسٹ سیریز
میں 29 وکٹیں اپنے نام کی تھیں۔تین ٹیسٹ میچز کی سیریز میں زیادہ وکٹیں اپنے نام کرنے کا قومی ریکارڈ گگلی ماسٹر عبدالقادر کے پاس ہے جنہوں نے1987میں انگلینڈ کیخلاف 30 وکٹیں حاصل کی تھیں ، وقار یونس نے1993میں زمبابوے کیخلاف27 وکٹیں اپنے نام کیں تھیں،لیجنڈری فاسٹ بالر وسیم اکرم نے1994میں نیوز ی لینڈ کیخلاف17.24کی اوسط سے25وکٹیں اپنے نام کی تھیں ، لیگ سپنر یاسر شاہ نے 2017میں ویسٹ انڈیز کیخلاف21.96کی اوسط سے25کھلاڑیوں کو پوویلین واپس بھیجا تھا ۔
