بیروت (این این آئی)لبنان مین قائم امریکی سفارت خانے کی طرف سیلبنان میں موجود امریکی شہریوں سے کہا گیا ہے کہ وہ ایران امریکہ جنگی ماحول کی وجہ سے لبنان سے بھی نکل جائیں۔
بیروت میں امریکی سفارت خانے نے اپنے شہریوں کو یہ ہدایت ایران کے خلاف امریکہ اوراسرائیل کی مشترکہ جنگ شروع ہونے کے بعد کی ہے۔ خود امریکی سفارت خانے کے اضافی عملے کو لبنان سے نکل جانے کی ہدایت چند روز پہلے دے دی گئی تھی۔ ہدایت میں عام امریکی شہری بھی شامل کر دیے گئے ہیں۔ انہیں فی الحال دوبارہ لبنان کی طرف سفر کرنے سے بھی منع کا گیا ہے۔سفارت خانے کی طرف سے جاری کردہ بیان میں کہا گیا ہے ابھی جبکہ کمرشل فلائٹس کی سہولت لبنان سے نکلنے کے لیے موجود ہے تو وہ ان سے فائدہ اٹھائیں۔
