لاہور(این این آئی)پاکستان اورورلڈچمپئن ویسٹ انڈیزکی ٹیموں کے مابین تین ٹی ٹونٹی میچوں کی سیریزکاتیسرااورآخری میچ (بدھ) کو ابوظہبی میں کھیلاجائے گا۔پاکستان نے پہلے دونوں میچ جیت کرسیریزمیں2-0سے فیصلہ کن کامیابی حاصل کرلی ہے۔تیسرے ٹی ٹونٹی میں کامیابی کی صورت میں بھی پاکستان کی ٹی ٹونٹی رینکنگ میں کوئی تبدیلی نہیں آئے گی اورقومی کرکٹ ٹیم کی ساتویں پوزیشن برقراررہے گی۔لیکن 3-0سے شکست کی صورت میں ویسٹ انڈیزکی ٹیم کی ایک درجے تنزلی ہوگی اوروہ تیسرے سے چوتھے نمبرپرآجائے گی۔پاکستان اورویسٹ انڈیزکی کرکٹ ٹیموں کے مابین 2011ء سے 24ستمبر2016ء تک6ٹی ٹونٹی میچ کھیلے گئے جن میں سے پاکستان نے4اورویسٹ انڈیزنے2میچ جیتے۔پاکستان کی کامیابی کاتناسب66.66فیصداورویسٹ انڈیزکی کامیابی کاتناسب33.33فیصدہے۔یواے ای میں دونوں ٹیموں کے مابین2ٹی ٹونٹی میچ کھیلے گئے دونوں میچ پاکستان نے جیتے یواے ای میں پاکستان کاویسٹ انڈیزکے خلاف کامیابی کاتناسب100فیصدہے۔معروف کرکٹ ویب سائٹ کے مطابق پاکستان کی جانب سے ٹیم میں کسی قسم کی بھی تبدیلی متوقع نہیں اور میدان میں اترنے والے گیارہ کھلاڑی یہ ہونگے۔شرجیل خان، خالد لطیف،بابر اعظم،شعیب ملک، سرفرازاحمد(کپتان۔وکٹ کیپر) عمر اکمل، محمد نواز،عماد وسیم،وہاب ریاض، سہیل تنویر اورحسن علی۔