ڈالرکے مقابلے میں روپے کی قدر سے کھیلا جاتا رہا، نجی بینکوں کے56ارب روپے کا منافع کمائے جانے کا انکشاف

  منگل‬‮ 4 اکتوبر‬‮ 2022  |  14:38

اسلام آباد (مانیٹرنگ ڈیسک )ڈالرکے مقابلے میں روپے کی قدر سے کھیلا جاتا رہا،نجی بینکوں کے56ارب روپے کا منافع کمائے جانے کا انکشاف۔ تفصیلات کے مطابق وزارت خزانہ کے ذرائع نے کہا ہے کہ پاکستانی کرنسی روپے سے کھیلا جاتا رہا ہے اور ڈالر کی بڑھتی قیمت سےنجی بینکوں کے

اس موقعے سے خوب فائدہ اٹھایا ہے ۔اسٹیٹ بینک آف پاکستان کی جانب سے ڈالر کی قیمت میں اضافے کےحوالے سے نجی بینکوں سے تحقیقات کا فیصلہ کر لیا ہے ۔ بینکوں نے ایل سیز کھولنے کے لیے انٹر بینک ریٹ سے اضافی رقم وصول کی۔دوسری جانب وفاقی وزیر خزانہ سینیٹر اسحاق ڈار نے کہا ہے کہ ڈالرکی اصل قدر200 روپیسے کم ہے اور آئندہ دنوں میں ڈالر 200 روپیسے کم ہوجائے گا ،مجھے آئی ایم ایف کو ڈیل کرنا آتا ہے،کسی کو فکر کرنے کی ضرورت نہیں ہے۔ ڈالرکی اس وقت جو قدر ہے وہ حقیقی نہیں ہے، امریکی کرنسی کی اصل قدر 200 روپے سے کم ہے، ڈالر کو اصل قیمت پر لانے کے لیے جامع حکمت عملی بنا رہے ہیں۔ ایک انٹرویو میں وزیر خزانہ اسحق ڈار نے کہاکہ نوازشریف کا علاج ہورہا ہے اور جیسے ہی نوازشریف کا علاج مکمل ہوگا وہ وطن واپس آئیں گے ۔ انہوںنے کہاکہ جس طرح مریم نواز شریف کو انصاف ملا ہے امید ہے نوازشریف کو بھی انصاف ملے گا ۔اسحاق ڈار نے کہا کہ ڈیل اور ڈھیل صرف عمران خان کی قسمت میں ہے۔انہوں نے کہا کہ عمران خان کی ہر بات کا جواب دے سکتا ہوں، یہ میری وارننگ کو سنجیدگی سے لیں ورنہ اس کے ساتھ پبلک میں جنگ ہوگی۔وفاقی وزیر نے کہا کہ عمران خان آپ وہیں ہیں ناں،

جو میرے دفتر کے باہر میرا انتظار کرتے تھے، اپنا منہ بند رکھیں اور اخلاق کے دائرے میں رہ کر بات کریں۔انہوں نے کہا کہ این آر او عمران خان نے اپنی فیملی کو دیا ہے، پی ٹی آئی چیئرمین نے نے ڈیل کرکے

مینار پاکستان سے خود کو لانچ کیا تھا۔وفاقی وزیر خزانہ نے کہا کہ عمران خان نے ڈیل کرکے الیکشن لڑا اور ڈیل کے تحت ہی نواز شریف حکومت کے خلاف دھرنا دیا۔



زیرو پوائنٹ

تین دن تیونس میں

آپ اگر دنیا کے نقشے پر میڈی ٹیرین سی دیکھیں تو آپ کو آخر میں اونٹ کا کوہان دکھائی دے گا اور اس پر تیونس لکھا ہوگا‘ یہ یورپ کی طرف سے افریقہ کا پہلا اور افریقہ کی جانب سے آخری ملک ہے‘ سمندر کی دوسری جانب اٹلی‘ فرانس اور سپین ہیں‘ تیونس کے معانی پہلا مقام ہے‘ دارالحکومت کا ....مزید پڑھئے‎

آپ اگر دنیا کے نقشے پر میڈی ٹیرین سی دیکھیں تو آپ کو آخر میں اونٹ کا کوہان دکھائی دے گا اور اس پر تیونس لکھا ہوگا‘ یہ یورپ کی طرف سے افریقہ کا پہلا اور افریقہ کی جانب سے آخری ملک ہے‘ سمندر کی دوسری جانب اٹلی‘ فرانس اور سپین ہیں‘ تیونس کے معانی پہلا مقام ہے‘ دارالحکومت کا ....مزید پڑھئے‎