پچھلے دو ہفتوں سے وزیراعظم عمران خان کی مقبولیت میں بے پناہ اضافہ ہواہے ،حماد اظہر

10  مارچ‬‮  2022

اسلام آباد (این این آئی)وفاقی وزیر توانائی حماد اظہر نے کہا ہے کہ پچھلے دو ہفتوں سے وزیر اعظم عمران خان کی مقبولیت میں بے پناہ اضافہ ہوا ہے۔ اپنے بیان میں وفاقی وزیرتوانائی نے کہاکہ عوام کو واضح نظر آیا ہے کہ کون اپنے ملک کے وقار اور بہتر مستقبل کیلئے کھڑا ہے اور کون اپنی دولت بچانے کی خاطر سازش کر رہا ہے۔

وفاقی وزیر حماد اظہر نے کہاکہ صرف یہ اسمبلی نہیں، پاکستان کا ہر شہر اور گاؤں اپنے وزیراعظم پر ناز کرتا ہے۔ علاوہ ازیں وفاقی وزیر اطلاعا ت و نشریات فواد چوہدری نے مطالبہ کیا ہے کہ اسپیکر قومی اسمبلی عدم اعتما م کی تحریک جلد ایوان میں لائیں ، ماضی میں عدم اعتماد کی تحریک میں نوٹوں کی بوریاں کھولی گئیں،نواز شریف اور آصف زرداری نے ہارس ٹریڈنگ کی بنیاد رکھی،پیسے کے بیوپاریوں کی راہ میں سب سے بڑی رکاوٹ وزیراعظم عمران خان ہیں،اس وقت کوئی پیپلز پارٹی کا ٹکٹ لینے کیلئے تیار نہیں، اپوزیشن فور ی طور پر اپنے 172 ارکان میڈیا کے سامنے پیش کرے،اپوزیشن کی کوششیں ناکام ہوں گی،بغیر کسی تصدیق اورمؤقف کے فیک نیوز چلائی جاتی ہیں،فیک نیوز چلانے پر پیمرا نوٹس ضرور بھیجے گا۔ وہ وفاقی وزیر توانائی حماد اظہر کے ہمراہ میڈیا سے گفتگو کررہے تھے ۔وزیر اطلاعات نے کہاکہ ماضی میں عدم اعتماد کی تحریک میں نوٹوں کی بوریاں کھولی گئیں،بے نظیر بھٹو کی حکومت گرانے کیلئے خریدو فروخت کا بازار لگایا گیا۔

وفاقی وزیر نے کہاکہ نواز شریف اور آصف زرداری نے ہارس ٹریڈنگ کی بنیاد رکھی،اس بار اپوزیشن کی کوششیں ناکام ہوں گی۔ وفاقی وزیر اطلاعا ت و نشریات نے کہاکہ نواز شریف اور آصف زرداری کا ایک ہی مقصد ملک کو لوٹنا ہے، مولانا فضل الرحمان نے ذاتی مفادات کیلئے سیاست کی،ننھے منے سیاست دان اسلام آباد کی عوام کا خیال کریں۔

وزیر اطلاعات نے کہاکہ اس وقت کوئی پیپلز پارٹی کا ٹکٹ لینے کیلئے تیار نہیں۔ انہوںنے کہاکہ پیسے کے بیوپاریوں کی راہ میں سب سے بڑی رکاوٹ وزیراعظم عمران خان ہیں۔ وزیر اطلاعات نے کہاکہ ملک کو اس وقت سیاسی استحکام کی ضرورت ہے۔ انہوںنے کہاکہ سپیکر قومی اسمبلی سے التماس ہے کہ عدم اعتماد کی تحریک جلد از جلد ایوان میں لائیں۔

انہوں نے کہاکہ اپوزیشن فور ی طور پر اپنے 172 ارکان میڈیا کے سامنے پیش کرے۔ وفاقی وزیر نے کہاکہ ارکان اسمبلی نے وزیراعظم کو بتایا کہ انہیں 10،10 کروڑ کی پیش کش ہو رہی ہے،ملکی مفاد کو مد نظر رکھ کر خارجہ پالیسی بنائی جاتی ہے۔ وفاقی وزیر نے کہاکہ ماضی کے حکمرانوں نے ذاتی مفاد کو مدنظر رکھ کر خارجہ پالیسی ترتیب دی۔

چوہدری فواد نے کہاکہ سینیٹ میں اپوزیشن کی اکثریت کے باوجود برتری ہماری رہی،ایم کیو ایم سے آج بھی اچھی ملاقات ہوئی ہے۔ وزیر اطلاعات نے کہاکہ اگلے ایک دو دنوں میں پوزیشن واضح ہو جائے گی۔ انہوں نے کہاکہ بغیر کسی تصدیق اورمؤقف کے فیک نیوز چلائی جاتی ہیں،فیک نیوز چلانے پر پیمرا نوٹس ضرور بھیجے گا۔ وفاقی وزیر توانائی حماد اظہر نے کہاکہ دنیا کو سیاسی اور معاشی بحران کا سامنا ہے۔

کووڈ19 میں پاکستان معاشی بحران سے بطریق احسن نکلا،کووڈ کے باوجود پاکستان ساڑھے 5 فیصد کی شرح سے ترقی کر رہا ہے۔ وفاقی وزیر نے کہاکہ دنیا پاکستان کو ایک ماڈل کے طور پر دیکھ رہی ہے،عالمی سطح پر قیمتوں میں اضافے کے باوجود پاکستان نے پٹرولیم مصنوعات کی قیمتیں کم کیں،وزیراعظم عمران خان کی آواز پوری دنیا میں سنی جا رہی ہے۔

وفاقی وزیر نے کہاکہ وزیراعظم عمران کبھی پاکستان کے وقار کا سودا نہیں کر سکتے۔ وزیر اطلاعات نے کہاکہ اپوزیشن سے پاکستان کی ترقی ہضم نہیں ہو رہی، ماضی کے حکمرانوں نے اربوں ڈالر کے بیرونی قرض لیے،۔ چوہدری فواد حسین نے کہاکہ عدم اعتماد کا مقصد ہے بولی لگاؤممبر اٹھاؤ اور چھانگا مانگا لے جاؤ۔

موضوعات:



کالم



بھکارستان


پیٹرک لوٹ آسٹریلین صحافی اور سیاح ہے‘ یہ چند…

سرمایہ منتوں سے نہیں آتا

آج سے دس سال قبل میاں شہباز شریف پنجاب کے وزیراعلیٰ…

اللہ کے حوالے

سبحان کمالیہ کا رہائشی ہے اور یہ اے ایس ایف میں…

موت کی دہلیز پر

باباجی کے پاس ہر سوال کا جواب ہوتا تھا‘ ساہو…

ایران اور ایرانی معاشرہ(آخری حصہ)

ایرانی ٹیکنالوجی میں آگے ہیں‘ انہوں نے 2011ء میں…

ایران اور ایرانی معاشرہ

ایران میں پاکستان کا تاثر اچھا نہیں ‘ ہم اگر…

سعدی کے شیراز میں

حافظ شیرازی اس زمانے کے چاہت فتح علی خان تھے‘…

اصفہان میں ایک دن

اصفہان کاشان سے دو گھنٹے کی ڈرائیور پر واقع ہے‘…

کاشان کے گلابوں میں

کاشان قم سے ڈیڑھ گھنٹے کی ڈرائیو پر ہے‘ یہ سارا…

شاہ ایران کے محلات

ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…