اسلام آباد (نیوز ڈیسک) حکومت نے پیٹرولیم مصنوعات کی قیمتوں میں ایک مرتبہ پھر اضافہ کرتے ہوئے پیٹرول اور ڈیزل مزید مہنگا کردیا ہے۔

نئے فیصلے کے تحت پیٹرول کی فی لیٹر قیمت میں 5 روپے 2 پیسے کا اضافہ کیا گیا ہے، جس کے بعد اس کی نئی قیمت 375 روپے 82 پیسے فی لیٹر مقرر ہوگئی ہے۔

اسی طرح ڈیزل بھی 5 روپے 28 پیسے مہنگا کردیا گیا ہے، اضافے کے بعد ہائی اسپیڈ ڈیزل کی فی لیٹر قیمت 403 روپے 32 پیسے تک پہنچ گئی ہے۔

حکومت کی جانب سے جاری کردہ نوٹیفکیشن کے مطابق پیٹرول اور ڈیزل کی نئی قیمتوں کا اطلاق 14 ستمبر 2026 تک ہوگا۔