لاہور( این این آئی) سینئر کامیڈین اداکار افتخار ٹھاکر نے کہا ہے کہ میری فٹنس کا راز باقاعدگی کے ساتھ سوئمنگ کرنا ہے ۔ ایک انٹر ویو میں افتخار ٹھاکر نے کہا کہ میری عمر 64سال ہے اور میں سمجھتا ہوں میری فٹنس کا راز باقاعدگی سے سوئمنگ کرنا ہے ،میں پانچویں یا چھٹی جماعت سے سوئمنگ کر رہا ہوں ۔ افتخار ٹھاکر نے انکشاف کیا کہ سارے پاکستان کے فائیو سٹارز ہوٹلز ، کلبز ، جمز جہاں پر سوئمنگ پول ہیں وہ تاحیات میرے لئے فری ہیں ، مجھے وہاں سوئمنگ کرنے کی کوئی فیس ادا نہیں کرنا پڑتی ۔