اسلام آباد (این این آئی)چیئرپرسن نیشنل کمیشن آن اسٹیٹس آف ویمن نیلوفر بختیار نے رانی پور میں مبینہ تشدد سے ہلاک ہونے والی کمسن فاطمہ کے گھر والوں سے ملاقات کے بعد کہا ہے کہ اوپن اینڈ شٹ کیس ہے، شواہد اور ویڈیوز موجود ہیں۔ ایک انٹرویومیں نیلوفر بختیار نے کہا کہ مرکزی ملزم اسد شاہ کی بیوی ملزمہ حنا شاہ کی گرفتاری اہم پیش رفت ہے، یہ اوپن اینڈ شٹ کیس ہے، شواہد اور ویڈیوز موجود ہیں، بچی کے جسم پر نشانات موجود ہیں۔انہوں نے کہا کہ بچی پر صرف تشدد نہیں ہوا بلکہ متعدد بارزیادتی بھی ہوئی ہے، چاہتے ہیں کہ ملزمان کو سخت سے سخت سزا ملے۔