پشاور (این این آئی)پشاور سمیت خیبرپختونخوا کے بیشتر اضلاع میں موسم گرم،مرطوب رہنے جبکہ صوبے کے چند مقامات پر تیز آندھی اور گرم چمک کے ساتھ بارش کا امکان ہے۔محکمہ موسمیات کے مطابق ایبٹ آباد، ہری پور، مانسہرہ، بٹگرام،تورغر، کوہستان، شانگلہ،چترال،دیر، سوات، بونیر، ملاکنڈ، باجوڑ،مہمند،پشاور،مردان، صوابی، نوشہرہ، چارسدہ،خیبر،کوہاٹ، کرک، ہنگو،اورکزئی،بنوں، لکی مروت،،ٹانک اوروزیر ستان میں تیز آندھی اورگرج چمک کے ساتھ بارش کا امکان ہے

دوسری جانب آج پشاورمیں کم سے کم24اورزیادہ سیزیادہ درجہ حرارت 39ڈگری سنٹی گریڈریکارڈ کئے جانے کاامکان ہے۔۔ محکمہ موسمیات نے آئندہ چوبیس گھنٹوں کے دوران صوبے کے متعدد علاقوں میں موسم گرم رہنے کی پیشگوئی کردی۔محکمہ موسمیات کا کہنا ہے کہ ملک بھر کے مختلف علاقوں میں وقفے وقفے سے بارش کا سلسلہ جاری رہے گا۔